Жастар саясаты

«Үздік идеялар»  қалалық инновациялық жобалары байқауының ЕРЕЖЕСІ

 


1. Жалпы ереже

1.1. Осы ереже «Үздік идеялар» қала студенттерінің арасындағы байқаудың (бұдан әрі - Байқау) мақсатын және міндеттерін, өткізу тәртіптері мен шарттарын және қаржыландыру көзін анықтайды;

1.2. Байқау қаланы көркейту мен дамыту, тұрғындарға жағдай жасау мақсатында өткізіледі;

1.3. Байқаудың үйлестірушісі: «Шымкент қаласы ішкі саясат бөлімі» мемлекеттік мекемесі;

1.4. Байқаудың ұйымдастырушысы: Шымкент қаласы ішкі саясат бөлімінің «Жастар ресурстық орталығы» мемлекеттік коммуналдық мекемесі.



2. Мақсаттары мен міндеттері:

2.1. Зияткерлік-шығармашылық әлеуетін жетелдіру арқылы тұлғаның зерттеу қабілеттерін дамыту. Экономикалық және өндірістік орталық ретінде қаланың оң имиджін қалыптастыру;

2.2. Дарынды және қабілетті жастарды анықтау, олардың әлеуетті қабілеттерін одан әрі дамыту үшін жағдайлар жасау;

2.3. Студенттердің ғылыми жұмыстарға, білім әлемін тануға қызығушылығын арттыру;

2.4. Қоғамның зияткерлік әлеуетін дамыту мәселелеріне қоғамның назарын аудару.

2.5. Студенттер өзінің идеяларымен жобаларын өздері іске асыруға мүмкіндік жасау.

 

3. Байқаудың өту мерзімі:

3.1. Байқау 2017 жылдың 1 наурызынан бастап 1 сәуірге дейін өткізіледі;

3.2. Байқау қорытындысы 2017 жылдың сәуір айында шығарылады.

 


4. Байқау шарттары:

4.1. Қатысушылар міндетті түрде ЖОО мен АОО-ның студенттері болуға тиіс;

4.2. Байқауға берілген тақырып бойынша авторлық жұмыстар қабылданады;

4.3. Қатысушыға тиесілі емес жұмысты пайдалануға тыйым салынады;

4.4. Тіркелу үшін «Жастар ресурстық орталығына» құжаттарды тапсыру керек.

4.5. Жеңімпаз өзі ұсынған жобасын жүзеге асыру барысында жетекшілік жасайтын болады. Жоба презентация түрінде дайындалып, студент жастар өз идеялы жобаларын (10 минуттан аспайтын) комиссия алдында қорғайды.

 


5. Байқаудың ұйымдастыру комитеті:

5.1.  Байқауға қатысуға өтінім білдірген қатысушылардың құжаттарын қабылдау, сәйкестілігін анықтау мақсатында жұмысшы топ құрылады. Жұмысшы топ дұрыс рәсімделген өтінімдерді комиссия қарауына ұсынады. Жобаларды  іріктеу мақсатында арнайы комиссия құрылады. Оның құрамына мемлекеттік органдардың, үкіметтік емес ұйымдардың, бұқаралық ақпарат құралдарының өкілдері кіреді. Егер комиссия мәжілісіне комиссия мүшелерінің кем дегенде 2/3 мүшесі қатысса, оның қабылдаған шешімі заңды болып табылады. Комиссия шешімі хаттамамен рәсімделеді.

5.2. Байқауға қатысу үшін белгіленген формадағы өтінім, жоба презентациясы және т.б. қатысушы тарапынан қосымша берілетін материалдар ұсынылады.

5.3.  Комиссия мүшелері жобаларды қарайды, үздіктерді таңдайды.

5.4. Әр бағыт бойынша комиссия мүшелері үздік деп танылған 3 жобаны әлеуметтік желіде жариялайды. Желіде жарияланған жобаларға дауыс беру арқылы жеңімпазды анықтайды. Ең көп дауыс жинаған жоба жеңімпаз деп танылады.

 


6. Марапаттау

Жеңімпаздарды марапаттау рәсімі салтанатты түрде ұйымдастырылады. Әкімдік тарапынан 5 бағытты жобалар бойынша жеңімпаздарға (топ болған жағдайда 10 адамнан көп емес) Велобайктың 1 жылдық абонементі берілетін болады. Өздерін ерекше танытқан қатысушыларға ұйымдастыру комитетінің шешімі бойынша арнайы дипломдар тапсырылады. Байқау қорытындысы бойынша жеңімпаздар туралы ақпарат БАҚ-на  ұсынылады. 

 


7. Қатысушылардың өтінімдері мен жұмыстары келесі мекенжай бойынша қабылданады:

Шымкент қаласы, Б.Момышұлы көшесі, 23/1,  «Жастар ресурстық орталығы» мемлекеттік коммуналдық мекемесі.

Байланыс телефоны:  39-13-60, 8-707-215-15-58.

Е-mail: jastar10@mail.ru


 

 

«Үздік идеялар» қалалық инновациялық жобалары байқауына ұсынылатын жобалар бағыты

 

  1. Қазақстан Республикасы Президентінің Қазақстан халқына Жолдауын қала тұрғындарына тиімді жеткізудің үздік жобасы;
  2. Қоғамдық көліктің жүруін тиімді ұйымдастырудың үздік жобасы;
  3. Шымкент қаласы туралы үздік бейнеролик;
  4. Саябақтарды, өзен жағалауларын, шатқалдарды қала тұрғындары үшін демалысты тиімді пайдалануды ұйымдастыру бойынша үздік жоба;
  5. Бұқаралық спортты ұйымдастыру бойынша үздік жоба.

ИНФОРМСЕРВИСТЕР

Танымал мемлекеттік қызметтер

Бейне

Анықтама

Бейне бақылау

- Мекенжай анықтамасы

- Зейнетақының аударымы туралы анықтама

- ЖЖЕ айыппұлдарын төлеу


ФОТОГАЛЕРЕЯ

ҚАЛА КӨРСЕТКІШТЕРІ

ЖЕТІСТІКТЕР

БОЛАШАҚТЫҢ ҚАЛАСЫ

ЖОЛДАУ

ӘКІМДІК ЖИНАЛЫСТАРЫ

РУХАНИ ЖАҢҒЫРУ

ИНВЕСТИЦИЯЛАР

Нөлдік төзімділік

ҚОҒАМДЫҚ КӨЛІК КЕСТЕСІ

WHATSAPP

Таза қала

ПАЙДАЛЫ СІЛТЕМЕЛЕР