ЖАСТАР НЕТВОРКИНГІ ЖӘНЕ ТӘЖІРИБЕ АЛМАСУЫ ЖОБАСЫ ҰЙЫМДАСТЫРЫЛДЫ

Екі күнге жалғасқан нетворкингке 18-29 жас аралығындағы Түркістан, Жамбыл, Қызылорда облысы және Шымкент қаласынан келген 200-ге жуық жас қатысты. Арнайы шақырылған спикерлер шараға қатысушы жастарға маңызды ақпараттар беріп, кеңірек пікір алмасты.
Шымкент қаласында қазақстандық спикерлердің қатысуымен «Bolashaq» Қауымдастығы жобасын жүзеге асыру аясында алғаш рет ұйымдастырылған шараға қала әкімі Ерлан Айтаханов арнайы қатысып, белсенді жастар ұйымдарының жетекшілерімен, студент жастармен сұхбаттасты. Сонымен қатар, әкім жастардың ой-пікірін тыңдап, сауалдарына жауап берді.

 

Өз сөзінде қала басшысы жастарды масылдық психологиядан арылып, еңбекқор болуға, елдің дамуына өз үлесін қосып, белгілі бір іспен айналысуға шақырды.
«Жастар уақыттың кез келген сынағына, бәсекеге төтеп беруге дайын болуы  керек. Егер біз бәсекеге қабілетті мемлекет боламыз десек, күн-түн демей еңбектенуіміз қажет. Сондай-ақ, өскелең ұрпақ біліммен қоса тәрбие мәселесіне де аса зейін қою керек. Себебі, білім мен тәрбие жемісті еңбектің қайнар көзі болып табылады»,-деді қала әкімі. 

Кездесуде үкіметтік емес ұйымдар мен жастар ресурстық орталықтары арасында әр сала бойынша маңызды тақырыптар талқыланды.
Айта кетсек, «Bolashaq» Қауымдастығы аталған жобаны ҚР Ақпарат және қоғамдық даму министрлігінің қолдауымен, «Азаматтық бастамаларды қолдау орталығы» КЕАҚ-ның мемлекеттік гранты шеңберінде ұйымдастырып отыр.

 

 

Шымкент қаласы әкімінің баспасөз қызметі



13.09.2019


ИНФОРМСЕРВИСТЕР

Shymkent adaldyq alany

Бейне

Анықтама

Мемлекеттік көрсетілетін қызметтер

ФОТОГАЛЕРЕЯ

ЖЕТІСТІКТЕР

БОЛАШАҚТЫҢ ҚАЛАСЫ

БИЗНЕС

ЖОЛДАУ

РУХАНИ ЖАҢҒЫРУ

СТАНДАРТТАУ

АШЫҚ ҮКІМЕТ

Нөлдік төзімділік

ҚОҒАМДЫҚ КӨЛІК КЕСТЕСІ

WHATSAPP

Таза қала

ПАЙДАЛЫ СІЛТЕМЕЛЕР