Таза қала

 

Шымкент қаласы ішкі саясат және дін істері басқармасының тапсырысы мен «Азаматтық Альянс» қауымдастығының ұйымдастыруымен «Таза қала» акциясы ұйымдастырылған болатын.

Акцияның негізгі мақсаты – тұрғындардың қала мен ауласын таза ұстауға біріктіру. Сондай-ақ, туған қаласына деген сүйіспеншілігін арттырып, оның сұлулығымен, көркемдігімен және өмір сүру сапасымен мақтаныш сезімін қалыптастыру.

Бүгін аталмыш акция мәреге жетіп, үздіктер марапатталды. Осынау іс-шараға Шымкент қаласының әкімі Ерлан Айтаханов арнайы келіп, қатысушыларға шынайы ризашылығын білдірді.

«Таза қала» акциясы - тұрғындардың қаламызға деген зор махаббатын, ортақ үйіміздің таза, әдемі болуына және гүлденуіне талпыныстарын арттырды. Сонымен қатар, бұл өскелең ұрпақты патриоттылыққа баулуда таптырмас шара. Біз көгалдандыру жұмыстарына көптеп назар аударуымыз қажет. Себебі, сүйікті қаламыз шынайы жасыл әрі таза қала болу үшін әрқайсымыз өзімізден бастауымыз тиіс. Келер жылы ТМД елдерінің мәдени астанасы болғалы отырмыз. Демек, біз баршаға үлгі болардай жұмыс істеуіміз шарт. Қайырымдылық пен тазалық, ізеттілік пен ұлағаттық Шымкенттің әр тұрғынына тән қасиет екеніне сенімім мол», - деді Ерлан Қуанышұлы.

Сонымен қатар, шаһар басшысы тұрғындарды жасалынған игі дүниелерге ұқыптылықпен қарауға шақырды.

Іс-шара барысында үйлердің кіреберістері, ауласының тазалығы, жасыл желек отырғызылуы ескерілді.

Акция қорытындысымен шаһардың 4 ауданы бойынша үздік үштіктер анықталып, Шымкент қаласы әкімінің арнайы дипломдарымен және бағалы сыйлықтармен марапатталды. Ал іс-шара соңы керемет концерттік бағдарламамен жалғасты.

 


 

 Қазақстан Республикасы Экология, геология және табиғи ресурстар министрлігі тарапынан ұсынған «Бірге – таза Қазақстан» экологиялық тазалық акциясын жалғастыру мақсатында 02.11.2019жылы Шымкент қаласындағы құрылымдық басқармалары мен аумақтық органдары қаланың көшелерін, жергілікті аудан әкімдіктері тарапынан коммерциялық нысандар, кәсіпорын ұжымдары, сонымен қатар ауыл билері мен кондоминиум нысандарын тарта отырып, көпшіліктің қатысуымен тұрғын үй аулаларын тазалау жұмыстары атқарылды.
Сонымен қатар, Қазақстан Ғарыш Сапары» ҰК АҚ-ы қалдықтар орналасқан жерлерді қашықтан зондтау жұмыстары бойынша Шымкент қаласының жергілікті аудан аумағынан анықтаған бей берекет қоқыс үйінділерін тазарту жұмыстары атқарылды.
Сенбілікке жалпы 12 000 астам адам қатысып, 60 қа жуық қоқыс тасымалдайтын, қоқысты артатын және т.б техникалары тартылып қоқыстар тазаланды. Қалалық қоқыс полигонына 280 тоннадан астам қоққыстар апарылып, тегін қабылданды.


 

 

 


 

ШЫМКЕНТТІК ОҚУШЫЛАР ҚАЛА ТҰРҒЫНДАРЫН ТАЗАЛЫҚҚА БАУЛИТЫН ӘЛЕУМЕТТІК ЖОБАНЫ ҚОЛҒА АЛДЫ

 

Мегаполис жыл санап құлпырып, көркі көз тартар зәулім ғимараттармен толығуда. Жаңа аудандар қосылып, халықтың демографиялық өсімі де ұлғайып келеді. Бұл оң өзгерістер жастарға да әсер етіп, жаңа идеялардың дүниеге келуіне сеп болып отыр. Тыңнан түрен салған үш жеткіншек әлеуметтік жобаны қолға алып, миллионды қала тұрғындарына жаңа қызмет түрін ұсынады.

 

Сұлтан, Даниял, Мирас есімді бұл үш жас ақпан айында өткен U:hack идеялар фестивалінде танысқан. Олардың екеуі ер балаларға арналған білім-инновация мектебінде оқыса, бірі – НЗМ-нің мақтанышы. Үнемі ізденісте жүрген үштікті ортақ мүддесі бір арнаға біріктірген. Осылайша жаңа жобаны бірлесіп жасауға бекініпті.

 

– Біздің мақсат – қала тұрғындарын тазалыққа баулу арқылы мәдениетін арттырып, экологиялық ахуалды жақсарту. Бір өкініштісі, жаз айларында қоқыс шашылып, қаланың сәнін бұзады. Қоқыс жәшіктеріне жетпей қалдықтарды тастап кететін тұрғындар көп, ал арнайы ыдыстар үнемі толып жататынын байқап жүрдік. Кейін келе осы мәселені шешу үшін жаңа қызмет түрін ұсынуға көштік. Арнайы жейделер алдырдық. Қазір 8-9 сыныпты аяқтаған 25 адамнан құралған топ бар. Нұрсәт шағынауданындағы №168, 169, 170 үйлердің тұрғындарымен келісе отырып, бір мезгіл қоқыстарын алып кетіп отырамыз, - дейді жоба жетекшісі Сұлтан Балғабай.

 

 

2020 жылы ТМД елдерінің мәдени астанасы ретінде таңдалып алынған көне шаһардың тазалығы үнемі басты назарда болуы тиіс. Әлеуметтік жоба арқылы қаланың дамуына өз үлестерін қосуды көздген үш оқушының мақсаттары айқын. Олар жазғы демалыста 2000-ға жуық пәтердің қоқысын тиісті орынға жеткізіп беріп отырмақ.

 

«Бұл өз кезегінде мүмкіндігі шектеулі жандар мен қарт кісілерге көмек болар еді», дейді жоба жетекшісі. Егер әлеуметтік жоба қолдау тауып жатса, коммерциялық жоба ретінде жалғасады. Онда тұрғындарға арнайы ыдыстар таратылып, бекітілген кестеге сәйкес жұмыс істеуге көшеді. Ал түскен қаражатты жастар әлеуметтік жобаларды жандандыруға салмақ.

 

Алдағы уақытта жұмыс бір жүйеге түскенде тіпті, демеушілерді тартып, олардың есебінен қоқысты қайта өңдейтін зауыт ашуға да ниетті. «Тазалық – денсаулық негізі, денсаулық – байлық негізі» деген қанатты сөзді ұран еткен үш жас мегаполиске өзгеріс әкеліп, сананы дүр сілкіндіруді ниет етіп отыр.


ИНФОРМСЕРВИСТЕР

Shymkent adaldyq alany

Бейне

Анықтама

Мемлекеттік көрсетілетін қызметтер

ФОТОГАЛЕРЕЯ

ЖЕТІСТІКТЕР

БОЛАШАҚТЫҢ ҚАЛАСЫ

БИЗНЕС

ЖОЛДАУ

РУХАНИ ЖАҢҒЫРУ

СТАНДАРТТАУ

АШЫҚ ҮКІМЕТ

Нөлдік төзімділік

ҚОҒАМДЫҚ КӨЛІК КЕСТЕСІ

WHATSAPP

Таза қала

ПАЙДАЛЫ СІЛТЕМЕЛЕР